अमृतच्या वतीने 5 ते 25 नोव्हेंबर  या कालावधीत ‘अमृत दुर्गोत्सव कार्यक्रम.

चंद्रपूर, दि.29 : महाराष्ट्र संशोधन, उन्नती व प्रशिक्षण प्रबोधिनी (अमृत) च्या वतीने 5 ते 25 नोव्हेंबर 2026 या कालावधीत ‘अमृत दुर्गोत्सव 2026’ हा उपक्रम राबविण्यात येत आहे. छत्रपती शिवाजी महाराजांच्या स्वराज्य निर्मितीचा गौरवशाली इतिहास, मराठा साम्राज्याची दुर्गनिर्मिती व लष्करी स्थापत्यकला तसेच महाराष्ट्राच्या समृद्ध ऐतिहासिक वारशाची माहिती सर्वसामान्य नागरिकांपर्यंत पोहोचविणे हा या उपक्रमाचा प्रमुख उद्देश आहे.

‘मराठा मिलिटरी लॅन्डस्केप ऑफ इंडिया’ या नावाने मराठा लष्करी भूदृश्यांचा समावेश जुलै 2025 मध्ये युनेस्कोच्या जागतिक वारसा यादीत करण्यात आला आहे. या वारसा स्थळसमूहामध्ये महाराष्ट्रातील 11 आणि तमिळनाडूतील 1 अशा एकूण 12 दुर्गांचा समावेश आहे. हे दुर्ग भारताच्या ऐतिहासिक, सांस्कृतिक व स्थापत्य वारशाचे महत्त्वपूर्ण प्रतीक आहेत. सदर उपक्रमाच्या अनुषंगाने नागरिकांना या ऐतिहासिक दुर्गांची माहिती व्हावी, छत्रपती शिवाजी महाराजांच्या पराक्रमाची व स्वराज्याच्या इतिहासाची ओळख नव्या पिढीला व्हावी, तसेच ऐतिहासिक वारशाच्या जतन व संवर्धनाबाबत जनजागृती निर्माण व्हावी, या उद्देशाने छायाचित्रांसह माहितीपत्रक

तयार करण्यात आले आहे.

कोण सहभागी होऊ शकते : जगातील कोणतीही व्यक्ती, कुटुंब, गृहसंकुल, संस्था, गट, शाळा किंवा महाविद्यालय.

12 दुर्गांची यादी पुढीलप्रमाणे आहे :

 1. रायगड किल्ला, 2. राजगड किल्ला,

3. शिवनेरी किल्ला, 4. प्रतापगड किल्ला,

5. पन्हाळा किल्ला, 6. विजयदुर्ग किल्ला,

7. लोहगड किल्ला, 8. साल्हेर किल्ला,

9. सिंधुदुर्ग किल्ला, 10. सुवर्णदुर्ग किल्ला,

11. खांदेरी किल्ला, 12. जिंजी किल्ला (तमिळनाडू)

अधिक माहितीकरीता :

Website – amrutdurgotsav.com,

संपर्क क्रमांक : अमृत चंद्रपूर जिल्हा कार्यालय : 9112228774,

आदित्यसिंह सेंगर  9607443742,

 सतीश नारायणदास : 9890746453

यावर संपर्क करावा, असे जिल्हा व्यवस्थापक यांनी कळविले आहे.